JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.
fb

Faa’ido Cusub Oo Uu Jukuleetku U Leeyahay Caafimaadka Hooyada Uurka Leh Iyo Ilmaha Ay Siddo

Published: September 13, 2016, 12:11 pm

Cilmibaadhis ay dhowaan sameeyeen xeeldheerayaal ka tirsan jaamacadda Laval ee magaalada Quebec dalka Kanada ayaa daahfurtay in Shaglaydha oo hore loogu ogaa in uu xaaladda nafsiga ah dejiyo dabeecaddana furfuro uu sidoo kalana raad caafimaad oo togan ku leeyahay caafimaadka hooyada iyo ilmaha ay uurka ku siddo.

Cilmibaadhistani waxa ay caddaysay in gabadha oo xilliga uurka cunta shaglaydhka guud ahaan iyo gaar ahaan nooca uu ku jiro xaddi badan oo ah isku-dhiska Flavanols ay xoojiso koritaanka ilmaha uurka ku jira, in uu madheerta ka caawiyo in hawlaheeda ay si habsami iyo tayo badan u gudato iyo in uu yareeyo khatarta dumarka qaar ku dhacda ee loo yaqaanno sumowga uurka iyo dhibaatooyin kale oo xilliga uurka iman kara.

Tijaabooyin lagu sameeyey 129 dumar ah oo leh uur toddobaadkii 11naad illaa 14naad ku jira, kuwaas oo muddo 12 toddobaad ah qayb ka mid ah la siinayey 30 giraam  oo ah shaglaydh leh maadadda Flavanols, qaybta kalana shaglaydhkan oo ay ku yar tahay maadadda Flavanols, si joogto ahna loola socday caafimaadkooda iyo caafimaadka ilmaha ay sidaan, aakhirkii markii ay umuleen madheertooda baadhis lagu sameeyey laga ogaaday in ay ka xooggan tahay kana waxtar iyo tayo badan tahay madheerta hooyada aan shaglaydhka badan cunin.

Waxa ay khubaradu sheegeen in madheertu ay qabanaysay shaqo ka badan in ay quudiso oo nafaqayso ilmaha oo keliya, taasina ay keentay in ilmaha caafimaadkiisu wanaagsanaado miisaankiisuna fiicnaado.


HADAAD ISTICMAASHO FACEBOOK HALKAAN KU REEB FIKIRKAAGA

Comments are closed.